Timmisartumut ilaasartaammut ilaasut
2015-imi kvartalip aappaani inuit 19.235-it nunatsinniit timmisartumit angallanneqarsimapput. Taamaalillunilu siornamut naleqqiullugu angalasimasut 10,5 pct.-inik qaffassimapput, ilaasunik 1.825-inik ilasimallutik. Angalasut 78,8 pct.-ii tassa inuit 15.162-it Kangerlussuaq aqqusaarlugu angalapput.
Timmisartukkut nunanut allanut ilaasut
Angalasut agguataarlugit imak najugaqarfeqarput: Nunatsinneersut 43 pct.-it, Danmarkimi najugallit 34 pct.-ii nunanit allaneerusut 24 pct.-iupput. Angalasut nunarput qimallugu aallaleraangata nunagisaq pillugu apersorneqartarput.
Titartagaq 1. Timmisartukkut nunanut allanut ilaasut nunagisaat, procentinngorlugit
Najoqqutaq: www.bank.stat.gl/TUNFLYL
Kisitsisit timmisartunik attartukkanik ilaasartaatinillu ilaasut tunngavigalugit pissarsiarineqarput, Mittarfeqarfiit Visit Greenlandilu suleqatigalugit.
Unnuisarnermik naatsorsueqqissaarneq
Unnuisarnerit katillugit 56.269-iusimapput. Tamanna ukiup siulianut saniliullugu 1.649-nik amerleriarneruvoq. Inuit piffissami uani katillugit 21.605-it unnuisimapput, taamaasillunilu unnuisut siornamiik 12,1 pct.-imik amerlanerupput. Agguaqatigiissillugu inuk ataaseq ullut 2,74 akunnittarfimmi unnuisarpoq.
Titartagaq 2: Akunnittarfinni unnuisut, Nunap immikkoortui tunngavigalugit
Najoqqutaq: www.bank.stat.gl/TUNHOT
Unnuinermik naatsorsueqqissaarneq unnuisarfiit aalajangersimasut 38-it suleqatigalugit qaammammut ataasiarlutik nalunaarsuisarnerannit tunngaveqarpoq. Unnuisarfiit qulingiluat nalunaaruteqannginnerat pissutaalluni siornamiit kisitsisaat atorneqarsimapput. Novembarip naalernerani kisitsisit aaqqitat saqqummersinneqassapput.
Skema 1. Takornariaqarnermi pissutsit allanguutai, 2. kvartal 2015-i saniliullugu 2. kvartal 2014-imut
Misissuinermi paasisaq |
Allannguut |
|
Hotelimi unnuinerit |
Katillugit 56.269, taamaasilluni 1.649-nik ilallutik |
↗ |
Unnuisut amerlassusaat |
Unnuisut amerlassusaat 2.324-nik ilapput katillugit 21.605-iullutillu |
↗ |
Unnuinerit amerlassusaat agguaqatigiissillugu |
Siorna ullut unnuisarnerit 2,91-ioriarlutik ukioq maanna 2,74-iupput |
↘ |
Init attartortitat |
Init attartortitat 2.477-inik ikilillutik 46.294-iupput |
↘ |
Init attartortinneqarsinnaasut |
2.637-nik ikilisimapput 125.260-iniit 122.623-nut |
↘ |
Init procentikkaarlugit attartortitat |
1,04 procentpointinik appariarluni 37,8 pct.-imiippoq |
↘ |
Angalasut nunagisaat pillugit apersukkat |
17.410-niit 19.235-nut inunnik 1.825-nik ilapput |
↗ |
Nunatsinniit angalasut najugaqarfii |
43 pct.-ii nunatsinni najugaqarput, 34 pct.-ii Danmarkimi, 24 pct.-iilu nunani allani najugaqarlutik |
Nutaaq |
Kisitsisit maanna saqqummiunneqartut tamarmik Kisitsisaasivimmi nassaarineqarsinnaapput Naatsorsueqqissaartarfiup nittartagaani www.stat.gl-imi. Nammineq naatsosoqqissaakkat atorlugit isikkulersuerusukkuit Kisitsisaasivik atorsinnaavat.